غادة عثمان ضاهر
القصة مش قصة فلسطيني بلا شغل
القصة قصة قضية عم تنطمس
القصة مش قصة إجازة عمل
القصة قصة شعب عم ينهمل
القصة مش قصة قرار قديم وتجدد
القصة قصة مؤامرة عم تتحدد
القصة مش قصة خوف عالبلد
القصة قصة شعب عم يتهدد
القصة مش قصة وزير وقال
القصة قصة دول ورجال
القصة قصة شعب أعزل
والكل عليه عم يتمرجل
يلي قالوا روحوا ع بلادكن
افتحوا طريق ومنوعدكن
ما تلاقوا إلنا أثر
شبعنا غربة وتعتير
شبعنا ظلم وقهر
ما جينا نسرق منكن
ولا ننهبكن
جينا نقضي كم يوم عندكن
قالوا كم يوم ومنرجع
ضحكوا علينا
والثمن عم يندفع
عم ندفعوا من عزتنا وكرامتنا
لأجل الأرض علينا رايتنا
ما عاش ولا كان يلي بدوا يهزمنا
ادب - بوابة اللاجئين الفلسطينيين
